VP Duterte itinalagang caretaker ng bansa

 

Itinalaga ni Pangulong Ferdinand “Bongbong” Marcos Jr. si Vice President Sara Duterte bilang officer-in-charge o caretaker ng bansa.

Ito ay habang wala sa bansa ang Pangulo at dumadalo sa 29^th Asia-Pacific Economic Cooperation Summit sa Bangkok, Thailand na nagsimula kahapon, Nobyembre 16 hanggang sa 19.

Kinumpirma ni Office of the Press Secretary officer-in-charge Undersecretary Cheloy Garafil na si Duterte ang pansamantalang hahalili sa Pangulo.

Pangangasiwaan ni Duterte ang pang-araw-araw na gawain ng bansa.

Karaniwan nang itinatalaga ng Pangulo si Duterte na caretaker tuwing umaalis ng bansa para dumalo sa mga international na pagpupulong.