Pino-proseso na ng Department of Justice ang paglalabas ng ng hold departure order laban kay suspended Bureau of Corrections chief Gerald Bantag at Senior Supt. Ricardo Zulueta.
Ito ay matapos sampahan ng kasong murder ang dalawa dahil sa pagkakasangkot sa pagpatay sa broadcaster na si Percy Lapid.
Ayon kay Justice Secretary Jesus Crispin Remulla, hindi na kailangan ang lookout bulletin order laban sa dalawa dahil bilang mga opisyal ng gobyerno, hindi sila makaalis ng bansa nang walang pahintulot sa mga kinauukulan at walang travel authority.
Nanawagan din si Remulla kay Bantag na makipagtulungan sa ginagawang imbestigasyon.
Kung totoo aniyang walang kinalaman si Bantag sa pagpatay kay Lapid, dapat na itong lumantad at sabihin sa publiko ang lahat ng nalalaman sa kaso.