150 patay sa Bagyong Paeng

 

Umakyat na sa 150 katao ang nasawi dahil sa Bagyong Paeng.

Ayon sa National Disaster Risk Reduction and Management Council, sa naturang bilang, 94 ang kumpirmadong nasawi dahil sa bagyo habang ang iba pa ay sumasailalim sa validation.

Nasa 128 katao naman ang nasugatan habang 36 ang nawawala at patuloy na pinaghahanap pa.

Nasa 3.3 milyon katao o 966,824 na pamilya ang naapektuhan ng bagyo.

Nasa 849,901 katao naman ang nanatili sa 2,655 na evacuation centers.

Nasa 12,564 na bahay naman ang nasira ng bagyo. Nagkakahalaga ito ng P12 milyon.