Anim na lugar, nasa Signal Number 1 dahil sa Bagyong Maymay

Anim na lugar sa bansa ang nasa Tropical Cyclone Signal Number 1 dahil sa Bagyong Maymay.

Ito ay ang Isabel, Quirino, Nueva Viscaya, Aurora, Nueva Ecija at extreme northern portion ng Quezon (General Nakar, Infanta) kasama na ang Polilio Islands.

Base sa 5:00 a.m. advisory ng Pagsa, mabagal na kumikilos ang bagyo sa southwestward direction sa bahagi ng Philippine Sea.

Namataan ang sentro ng bagyo sa 305 kilometro silangan ng Baler, Aurora.

Taglay ng bagyo ang hangin na 45 kilometro kada oras at pagbugso na 55 kilometro kada oras.

Ayon sa Pagasa, inaasahang hihina na ang bagyo at magiging low pressure area na lamang habang tinatahak ang landmass.