Nakakuha ng majority approval rating si Pangulong Ferdinand “Bongbong” Marcos Jr. sa 11 mula sa 13 key national issues.
Ayon sa survey ng Pulse Asia, mayorya sa mga Filipino ang nagbigay ng mataas na rating sa Pangulo.
Base sa appreciation sentiment, 78 percent ang kuntento sa pagtugon ng administrasyon sa pangangailangan ng mga calamity-hit areas; 78 percent sa pag-control sa pagkalat ng COVID-19, 69 percent sa pagtataguyod sa kapayapaan sa bansa at 68 percent sa pag-protekta sa kapakanan ng mga overseas Filipino workers.
Nasa 67 percent naman ang nagsabi na kuntento sila sa paglaban sa kriminalidad, 62 percent sa pagpapatupad sa rule of law, 59 percent sa paglikha ng trabaho, 59 percent sa pagtaas sa sweldo ng mga manggagawa, 58 percent sa paglaban sa graft and corruption, 57 percent sa pangangalaga sa kalikasan, 52 percent sa pagdepensa at pangangalaga sa territorial integrity.
Gayunman, mababa ang nakuhang grado ng administrasyon sa pagtugon sa inflation.