Umapela si Pangulong Ferdinand “Bongbong” Marcos Jr. na itigil na ang Asian hate crimes at racism.
Sa talumpati ng Pangulo sa high level general debate sa 77th United Nations General Assembly sa New York, sinabi nito na dapat magkaroon ng patas na international system.
Umaasa ang Pangulo na ang naturang sistema ay pantay na maipatupad lalo na sa mga vulnerable sector sa lipunan gaya ng mga nasa marginalized sector, migrants at refugees.
Nasaksihan naman aniya ng buong mundo ang naging konyribusyon ng mga migrants sa pagtugon sa pandemya sa COVID-19.
Ayon sa Pangulo, marami ang umaasang matutuldukan na ang hate crimes at racism dahil lubos nang nakababahala ito.
Inihalimbawa pa ng Pangulo ang joint program ng Pilipinas at United Nations kaugnay sa human rights kung saan naging kapaki-pakinabang ito sa lahat sa pamamagitan ng pagsasantabi sa pulitika at isinentro ang kapakanan ng tao.
Si Pangulong Marcos ang unang lider sa Association of Southeast Asian Nations na nag salita sa UNGA.