Nagpasaklolo si Pangulong Ferdinand “Bongbong” Marcos, Jr. sa mga bansang kasapi sa United Nations na tulungan at suportahan ang kandidatura ng Pilipinas sa UN Security Council para sa terminong 2027-2028.
Sa talumpati ng Pangulo sa 77th United Nations General Assembly sa New York, sinabi ng Pangulo na malaki ang ambag ng Pilipinas sa UN Security Council base na rin sa mayaman karanasan ng bansa sa pagtataguyod ng kapayapaan kooperasyon.
Pangunahing tungkulin ng UN Security Council ay panatilihin ang peace and security.
Mayroon 15 miyembro ang UN Security Council.
Ang limang permanent members nito ay ang China, France, Russian Federation, United Kingdom, at United States.
Kasalukuyang miyembro nito ang mga bansang Albania, Brazil, Gabon, Ghana, India, Ireland, Kenya, Mexico, Norway, at United Arab Emirates.
Matatandaan na noong Enero 2004, nakakuha ang Pilipinas ng isang puwesto sa UN Security Council para sa termimong 2004-2005.