P3.00 bawas sa gasolina, ipatutupad sa susunod na linggo

Magandang balita para sa mga motorist. Ito ay dahil sa magpapatupad ng rollback o bawas presyo sa produktong petrolyo sa susunod na linggo.

Ayon sa abiso ng mga kompanya ng langis, bababa ng P2.60 hanggang P3.00 ang presyo ng gasolina kada litro.

Mababawasan naman ng P1.60 hanggang P1.90 ang presyo ng diesel kada litro.

Nasa P1.55 hanggang P1.85 naman ang ibababa sa presyo ng kerosene kada litro.

Magiging epektibo ang bagong presyo sa produktong petrolyo sa Martes, Setyembre 6.