PBBM Jr., pinulong ang DTI officials para sa tulong sa mga magsasaka

Pinulong sa Malakanyang ni Pangulong Ferdinand “Bongbong” Marcos, Jr. ang mga opisyal ng Department of Trade and Industry (DTI), araw ng Miyerkules.

Ito ay para ilatag ang mga programa para mapataas ang produksyon ng mga magsasaka sa bansa.

Nais din ng Pangulo na matiyak na magiging abot-kaya ang presyo ng abono sa mga magsasaka.

Target ng Punong Ehekutibo na sa ilalim ng kanyang administrasyon ay magkakaroon ng food security ang bansa.

“Hangad natin na maging masigla muli ang sektor ng agrikultura kaya’t nakipagpulong tayo kay Kalihim Alfredo Pascual ng Kagawaran ng Kalakalan at Industriya upang siguraduhin ang mas abot-kayang presyo ng abono o pataba na gamit ng ating mga magsasak,” pahayag ng Pangulo.