Nagsagawa ng rehearsal ang honor guards para sa state funeral ni dating Pangulong Fidel Ramos sa Heritage Park, Taguig City.
Ayon kay Colonel Xerxes Trinidad, tagapagsalita ng Philippine Army, nasa 1,200 na sundalo at pulis ang mangangasiwa sa state funeral. Itatalaga ang mga ito sa Heritage Park at sa Libingan ng mga Bayani.
Ihahatid sa huling hantungan si Ramos sa Martes, Agosto 9 sa Libingan ng mga Bayani bandang 10:00 ng umaga.
LOOK: Bahagi ng rehearsal para sa state funeral ni dating Pangulong Fidel V. Ramos. | @chonayu1
📸: Chona Yu/Radyo Inquirer On-Line pic.twitter.com/dNedjovSLC
— RadyoInquirerOn-Line (@radyoinqonline) August 5, 2022
Bibigyan si Ramos ng full military honors.
Samantala, tuloy naman ang pagdalaw ng ilang personalidad sa burol ni Ramos.
Kabilang na sina Senador Risa Hontiveros at Chinese Ambassador to the Philippines Huang Xilian.