Nakaranas ng magnitude 4.8 na lindol ang lalawigan ng Mindoro dakong alas 12:30, kaninang hatinggabi gabi.
Ayon sa Philippine Institute of Volcanology and Seismology (Phivolcs), naitala ang episentro ng lindol sa karagatan sa layong 26 kilometro timog-silangan ng bayan ng Mamburao, Occidental Mindoro.
Naramdaman ang Intensity IV na pagyanig sa Mamburao at Sta. Cruz, Occidental Mindoro.
Intensity III naman sa Puerto Galera, at Calapan, Oriental Mindoro.
Intensity II naman sa bayan ng Roxas, Occidental Mindoro at Intensity I sa Tagaytay City at Dolores, Quezon.
Wala namang iniulat na pinsalang idinulot sa mga naapektuhang lugar ang pagyanig.
MOST READ
LATEST STORIES