Hindi pakikialaman ng Palasyo ng Malakanyang ang suot ng mga mambababatas na may political message na dadalo sa State of the Nation Address (SONA) ni Pangulong Ferdinand “Bongbong” Marcos, Jr.
Ayon kay Press Secretary Trixie Cruz-Angelez, may mga patakarang itinakda ang House of Representatives.
Sinabi pa ni Angeles na tatalima ang Palasyo sa mga itinakdang patakaran ng House of Representatives.
Sinabi pa ni Angeles na hindi naman “bahay” ng Palasyo ang House of Representatives at nakikituloy lamang sila kung kaya susunod sila sa mga patakaran.
Karaniwan nang ginagamit ng mga kongresista mula sa partylist group at mga makakaliwang grupo ang SONA ng Pangulo para maghayag ng kani-kanilang mga political statement sa iba’t ibang isyu.