MMDA, nagkasa ng clearing ops sa ilang kalsada sa QC para sa SONA

Nagkasa ang Metropolitan Manila Development Authority (MMDA) ng malawakang clearing operations sa mga lansangan ng Quezon City.

Ito ay para sa idaraos na unang State of the Nation Address (SONA) ni Pangulong Ferdinand “Bongbong” Marcos, Jr.

Ayon sa MMDA, layon nitong matiyak na maayos ang daloy ng trapiko.

Inaslis ng ahensya ang mga nakahambalang sa lansangan, tulad ng mga ilegal na nakaparadang sasakyan at terminal ng jeep, sa mga alternatibong ruta para sa mga maapektuhang motorista.

Katuwang ang lokal na pamahalaan ng Quezon City, aaraw-arawin ng ahensya ang operasyon sa mga lansangan papunta sa Batasang Pambansa.

Kabilang ang mga sumusunod na kalsada:
– Batasan Hills
– Litex Road
– Tandang Sora
– Visayas Avenue
– Congressional Avenue
– C-5 Road
– Magiting
– Maginhawa
– Mayaman
– Kalayaan Street