PNP OIC Danao pabor sa parusang bitay sa bigtime drug traffickers

 

Matagal na dapat ibinalik ang parusang kamatayan sa bigtime drug traffickers. Ito ang paniniwala ni PNP officer-in-charge Lt. Gen. Vicente Danao. Ginawa ni Danao ang pahayag kasunod paghahain muli ni Sen. Ronald dela Rosa ng panukalang pagbabalik ng death penalty sa mga bigtime drug traffickers at plunderers. “We welcome that development. Unang una alam naman natin kung ano talaga yung illegal effects ng iliegal na droga sa pangangatawan ng tao, especially for those who are drug dealers who were caught with so many kilos of illegal drugs, I think its hightime to really bring back death penalty lalong lalo na sa aspeto na yan sa iligal na droga,” sabi ni Danao. Una nang tiniyak ni dela Rosa na limitado lamang sa bigtime drug traffickers ang mga nais niyang maparusahan ng parusang kamatayan. Paliwanag niya, ito ay upang hindi masabi na ‘anti-poor’ ang kanyang panukala.