Operasyon ng MRT-3, naantala dahil sa nahulog na construction canvas

Ilang minutong naantala ang operasyon ng Metro Rail Transit Line 3 (MRT-3), Miyerkules ng umaga (Hulyo 13).

Ayon sa pamunuan ng MRT-3, bunsod ito ng nahulog na construction canvas mula sa kalapit na gusali sa bahagi ng Overhead Catenary System (OCS) line sa pagitan ng North Avenue at Quezon Avenue stations.

Nahulog ang construction canvas bandang 10:23 ng umaga.

Agad kumilos ang OCS engineers upang ligtas na maialis ang naturang obstruction.

Bandang 10:47 ng umaga, naialis ang construction canvas at bumalik sa normal ang operasyon dakong 10:53 ng umaga.