Palasyo, ‘no comment’ sa panukalang baguhin ang pangalan ng NAIA sa Ferdinand E. Marcos Int’l Airport

‘No comment’ ang Palasyo ng Malakanyang sa hirit ni Negros Oriental 3rd District Rep. Arnolfo Teves Jr. na palitan ang pangalan ng Ninoy Aquino International Airport sa Ferdinand E. Marcos International Airport.

Ayon kay Press Secretary Trixie Cruz-Angeles, wala sa posisyon ang Palasyo na makialam sa panukala dahil sa Kamara nagmula ang naturang hakbang.

Masyado aniyang premature sa Palasyo na magkomento lalo’t hindi pa naman umabot sa first reading ang panukala.

Ayaw na ring magkomento ng Palasyo kung napapanahong ihain ang panukala lalo’t nahaharap ang bansa sa iba’t ibang problema.

Ayon kay Angeles, hindi naman ang Palasyo ang naghain ng panukala.