Minimum na pasahe sa jeep, magiging P11 na – LTFRB

Inaprubahan ng Land Transportation Franchising and Regulatory Board (LTFRB) ang hirit ng mga drayber na P2 dagdag na pasahe sa jeep sa buong bansa.

Ito ay sa gitna ng patuloy na pagtaas ng presyo ng produktong petrolyo.

Dahil dito, nasa P11 na ang minimum na pasahe sa traditional jeep habang nasa P13 naman ang minimum na pasahe sa modern jeep.

Magiging epektibo ang dagdag-pasahe sa July 1.

Patuloy namang bibigyan ng 20 porsyentong diskwento ang mga pasaherong senior citizen, person with disabilities at estudyante.