Nanumpa na bilang Mayor ng Quezon City si Joy Belmonte.
Ito na ang ikalawang termino ni Belmonte bilang Mayor ng lungsod.
Sa talumpati ni Belmonte, limang major agenda ang kanyang palalakasin.
Ito ay ang social services, kalusugan, edukasyon, digitalization at economic programs na higit na pakikinabangan ng mga taga-lungsod.
Ayon kay Belmonte, sa social services pa lamang mula P9.8 bilyong pondo noong 2019 ay dinoble sa taong 2022 na umabot sa P16.1 bilyon upang matulungang maiangat ang buhay ng mga nasa laylayan
Sakop ng programa ang jeepney drivers at iba pang driver na higit na naapektuhan ng pagtaas ng halaga ng gasolina.
Sinabi pa ni Belmonte na magkakaroon na ng dagdag na itatayong LGU-owned hospital sa ibang distrito tulad sa District 6 at palalakasin pa ang mga programang pangkalusugan sa mga barangay.
Ibinida rin ni Belmonte ang 95 porsyentong digitalization program kung saan hindi na kailangang magtungo sa city hall sa pagkuha ng business permit, pagbabayad ng buwis, pagkuha ng birth certificate at iba pa para hindi mahawa ng COVID-19.
Palalakasin din ni Belmonte ang edukasyon at ekonomiya.