In-coming President Rodrigo Duterte, bukas sa K to 12 program ayon sa DepEd

Sinabi ni Education Assistant Secretary Tonisito Umali na bukas ang isipan ni in-coming president Rodrigo Duterte sa sisimulang K to 12 program.

Ngunit tumanggi si Umali na magbigay pa ng karagdagang detalye ukol sa posisyon ni Duterte dahil ayaw niyang pangunahan ang uupong bagong presidente.

Samantala, inihayag ni Umali na bukas sila na makipag diyalogo sa lahat ng mga grupo ukol sa usapin ng karagdagang dalawang taon sa high school.

Reaksyon ito ng opisyal kasunod ng magdamag na kilos protesta ng ilang militanteng kabataan sa harapan ng punong tanggapan ng DepEd sa Pasig City.

Samantala, pasado alas dose ng tanghali kanina nang tuluyan nang umalis ang mga nagpo protestang kabataan sa harapan ng main gate ng DepEd main office.