Flight, ground operations ng NAIA pansamantalang sinuspinde

Pansamantalang sinuspinde ang flight at ground operations sa Ninoy Aquino International Airport (NAIA).

Ayon sa Manila International Airport Authority (MIAA), bunsod ito ng inilabas na Lightning Red Alert ng PAGASA dakong 3:14, Linggo ng hapon.

Paliwanag ng MIAA, nagsisilbing safety measure ang naturang hakbang upang maiwasang magkaroon ng “untoward incident.”

“The alert is a safety measure taken to prevent untoward incident from happening when lightnings are prevalent in the immediate area and may endanger personnel, passengers and even flight operations,” saad nito.