LANY, nagdagdag ng isa pang araw sa sold-out concert sa Nobyembre

Nadagdagan pa ang araw ng napipintong sold-out concert ng LANY.

Sa Instagram, inanunsiyo ng LANY na ikalimang araw silang manghaharana sa mga Filipino fans sa Maynila.

Katulad ng unang apat na araw ng concert, sa SM Mall of Asia Arena rin isasagawa ang ikalimang araw ng concert sa Nobyembre 16.

Magbubukas ang bentahan ng ticket para sa show Nobyembre 16 sa Hunyo 16 bandang 10:00 ng umaga.

Maliban sa Maynila, bibisitahin din ng LANY ang Taipei, Bangkok, Kuala Lumpur, Singapore at Jakarta.