Muling nahigitan ang pinakamataas na bilang ng pasaherong naserbisyuhan sa Metro Rail Transit Line 3 (MRT-3).
Ayon sa pamunuan ng MRT-3, naserbisyuhan ang 370,276 na pasahero sa tren noong Lunes, Hunyo 6.
Pinakamataas ito simula nang magbalik-operasyon sa rail line noong Hunyo noong taong 2020.
Bunsod pa rin ito ng ipinatupad na libreng sakay sa tren at pagpapatakbo ng 14 hanggang 16 na 3-car CKD train set, at apat na 4-car CKD train set sa mainline.
Pinataas na rin ang passenger capacity sa bawat tren na kaya nang makapagpasakay ng 1,576 na pasahero kada train set, at 394 na pasahero kada train car.
Tatagal ang libreng sakay sa mga pasahero hanggang Hunyo 30, 2022.
Patuloy ang mahigpit na pagpapatupad ng pamunuan ng MRT-3 ng minimum public health and safety protocols sa buong rail line.