Dumating na sa bansa ang BRP Melchora Aquino, ang pinakabagong barko ng Philippine Coast Guard.
Mayo 27 nang maglayag ang barko mula sa Japan.
9:00, Miyerkules ng umaga (Hunyo 1), nang dumating ang barko at mainit namang sinalubong ng mga tauhan ng PCG.
WATCH: BRP Melchora Aquino, dumating na sa Pilipinas.
Ito ang pinakabagong barko ng @coastguardph. | @chonayu1
🎥: Chona Yu/Radyo Inquirer On-Line pic.twitter.com/hXMc82nZVa
— RadyoInquirerOn-Line (@radyoinqonline) June 1, 2022
Ayon kay Philippine Coast Guard spokesman Commodore Armand Balilo, ang MRRV-9702 ay kinomisyon bilang BRP Melchora Aquino at ikalawang 97-meter MRRV ng PCG.
Gagamitin aniya ang barko sa pagpapatrolya sa West Philippine Sea, Benham Rise, pagresponde sa mga kalamidad at pagpapatrolya sa karagatan at iba pa.
WATCH: Ayon kay @coastguardph spokesman Commodore Armand Balilo, gagamitin ang BRP Melchora Aquino sa pagpapatrolya sa West Philippine Sea at Benham Rise, pagresponde sa mga kalamidad, pagpapatrolya sa karagatan, at iba pa. | @chonayu1
🎥: Chona Yu/Radyo Inquirer On-Line pic.twitter.com/t075DV6N2F
— RadyoInquirerOn-Line (@radyoinqonline) June 1, 2022
Sinabi pa ni Balilo na kaya pinangalanan ang barko na Melchora Aquino bilang pagkilala sa naturang bayani, maging sa mga kababaihan sa bansa.
Una rito, bahagi na ng PCG ang BRP Teresa Magbanua (MRRV-9701).