Halos 2-M doses ng COVID-19 vaccines, mapapaso sa Hunyo

Aabot sa dalawang milyong doses ng COVID-19 vaccines ang mag-eexpire sa katapusan ng Hunyo.

Sa Laging Handa Public Briefing, sinabi ni Health Undersecretary Myrna Cabotaje na masasayang ang mga bakuna kapag hindi nagamit bago ang Hunyo 30.

Pero ayon kay Cabotaje, hindi pa pinal ang naturang bilang.

Nagsumite na aniya ang Department of Health (DOH) ng demand forecast para sa 34 milyong doses ng bakuna.

Kabilang sa mga brand na malapit nang mag-expire ang Sinovac, AstraZeneca, at Pfizer.