Bad news sa mga motoristang gumagamit ng gasolina.
May bigtime price increase na ipatutupad sa gasolina sa araw ng Martes, Mayo 24.
Batay sa anunsiyo ng Caltex, Cleanfuel, PetroGazz, PTT Philippines, Seaoil, Shell, at Unioil, may dagdag na P3.95 sa kada litro ng gasolina.
Magkakaroon naman ng tapyas na P2.30 sa kada litro ng diesel.
Rollback na P2.45 naman ang ipatutupad sa kerosene ng Caltex, Seaoil, at Shell.
Mauunang ipatupad ang oil price adjustment sa Caltex bandang 12:01, Martes ng madaling-araw (Mato 24).
Magiging epektibo naman ang paggalaw ng presyo sa ibang oil companies bandang 6:00, Martes ng umaga, habang 8:01 ng umaga sa Cleanfuel.
Asahang mag-aanunsiyo rin ng oil price adjustment ang iba pang oil company.