Higit P3 rollback sa diesel, epektibo simula sa Mayo 17

Abiso sa mga motorista.

Magpapatupad ng bigtime rollback sa presyo ng mga produktong petrolyo.

Batay sa anunsiyo ng Cleanfuel, Petro Gazz, Shell, at Seaoil, may kaltas na P3.10 sa kada litro ng diesel habang P0.40 naman ang tapyas sa kada litro ng gasolina.

Mababawasan din ng P2.10 ang bawat litro ng kerosene ng Seaoil at Shell.

Magiging epektibo ang oil price adjustment ng Petro Gazz, Shell, at Seaoil bandang 6:00, Martes ng umaga (Mayo 17).

Samantala, dakong 8:01, Martes ng umaga magsisimulang mabago ang presyo ng mga produktong petrolyo ng Cleanfuel.

Asahang mag-aanunsiyo na rin ang iba pang oil companies ng kanilang oil price adjustment.