South Korean gov’t, nagpaabot ng pagbati kay presumptive Pres. Bongbong Marcos

Nagpaabot ng pagbati ang gobyerno ng Republic of Korea kay presumptive President Ferdinand “Bongbong” Marcos, Jr.

Kasunod ito ng pangunguna ni Marcos sa presidential race ng 2022 National and Local Elections.

“The government of the Republic of Korea congratulates President-elect, Ferdinand Romualdez Marcos Jr. on his election as the 17th President of the Republic of the Philippines,” saad nito sa Facebook.

Umaasa rin ang South Korean government na mas lumalalim pa ang pagkakaibigan at kooperasyon ng dalawang bansa.

“We look forward to close cooperation between the two new governments to further deepen our friendship and partnership,” pahayag nito.

Base sa huling tala, nakakuha si Marcos ng mahigit 31 milyong boto.