Dagdag COCs tinanggap ng Senado

Hanggang kaninang pasado alas-7 ng umaga, 128 certificates of canvass (COCs), gayundin ng Election Returns (ERs) ang natanggap ng Senado.

Ito ay 73.99 porsiyento ng kabuuang 173 COCs na inaasahang dadalhin sa Mataas na Kapulungan ng Kongreso.

Gagamitin ang COCs sa gagawing canvassing ng mga boto para sa pagka-pangulo at pagka-pangalawang pangulo ng Kongreso sa pamamagitan ng joint session na bubuksan sa Mayo 24.

Ang mga bagong dating na COCs ay mula sa Quezon Province, Isabela, Mt. Province, Lapu-Lapu City, Davao del Norte, General Santos City, Sultan  Kudarat at North Cotabato.

Gayundin, tinanggap din sa Senado ang Overseas Absentee Voting (OAV) COC’s mula sa India, Lebanon at Italy.