Siniguro ng Mapua Cardinals na muli silang sasabak sa NCAA Men’s Basketball Finals.
Tinalo ng Cardinals ang San Beda Lions, 70 -67 at makakaharap naman nila ang defending champion na Letran Knights para sa korona ng NCAA Season 97.
Ibinigay nina Arvin Gamboa at Toby Angeles ang mga huling puntos para sa Cardinals.
May pagkakataon pa ang Red Lions na paabutin ang laro sa overtime ngunit hindi pumasok ang tres ni James Kwekuteye, na naging mitsa para magselebra sa gitna ng court ang Cardinals.
Magsisimula sa darating na Linggo, Mayo 15, ang unang laro sa best-of-three championship sa Filoil Flying V Centre sa San Juan City.
MOST READ
LATEST STORIES