Sinabi ng task force na patuloy pa rin silang nakakatanggap ng mga ulat at reklamo ng vote-buying sa kanilang opisyal na email address at Facebook page.
Katuwang ang Integrated Bar of the Philippines (IBP) at Legal Network for Truthful Elections (LENTE), may isang posibleng maisampang kaso dahil nag-execute na ng affidavit at nagsumite na ng mga ebidensya ang complainant.
Hinikayat naman ng task force ang publiko na maliban sa pagre-report ng mga insidente ng vote-buying o vote-selling, aktibo ring makipag-ugnayan sa isasagawang imbestigasyon sa pamamagitan ng pag-execute ng affidavit at pagsumite ng mga ebidensya.
Dagdag nito, magiging matagumpay ang pag-uusig sa mga kaso ng vote-buying at vote-selling hindi lamang dahil sa mga hakbang ng Comelec at mag katuwang na ahensya, kundi sa tulong din ng mamamayang Filipino.