Operasyon ng Pasig Ferry Service, suspendido sa araw ng eleksyon

Pansamantalang suspendido ang operasyon ng Pasig Ferry Service (PFRS) sa mismong araw ng 2022 National and Local Elections sa Lunes, Mayo 9.

Ayon sa Metropolitan Manila Development Authority (MMDA), layon nitong bigyang-daan ang isasagawang halalan.

Magbabalik sa normal ang operasyon ng ferry service sa Martes, Mayo 10.

Matatandaang idineklara ng Palasyo ng Malakanyang na special non-working holiday ang Mayo 9.