Katulad ng ka-tandem na si dating Senador Ferdinand “Bongbong” Marcos Jr., nanguna rin si Davao City Mayor “Inday” Sara Duterte-Carpio sa vice presidential race survey ng Pulse Asia.
Base sa resulta ng April 2022 Pulso ng Bayan Pre-Electoral national survey, nakakuha si Duterte ng 55 porsyento.
“The local chief executive has majority voting figures in Metro Manila (51%), Mindanao (80%), and every socio-economic grouping (51% to 60%),” ayon sa Pulse Asia.
Dagdag nito, “The latter is also the choice for vice-president of near majorities in the rest of Luzon and the Visayas (46% and 50%, respectively).”
Sumunod si Senate President Vicente “Tito” Sotto III na may 18 porsyento.
Pangatlo naman sa vice presidential race survey si Sen. Kiko Pangilinan na may 16 porsyento, pang-apat si Dr. Willie Ong na may tatlong porsyento, at pang-lima si Manny Lopez na may isang porsyento.
Sa pamamagitan ng face-to-face interviews, isinagawa ang survey sa 2,400 representative adults simula Abril 16 hanggang 21, 2022 na may ± 2% error margin sa 95 porsyentong confidence level.
