Manufacturers ng sardinas, noodles humirit ng ‘price hike’

Isinapubliko ng Department of Trade and Industry (DTI) na may food manufacturers na nais magtaas ng presyo ng kanilang mga produkto bunsod ng pagtaas ng halaga ng mga produktong petrolyo.

Sinabi ni Trade Assistant Secretary Ronnel Abrenica na tatlo hanggang limang porsyento ang nais na maging pagtaas sa presyo ng mga gumagawa ng ilang brand ng sardinas at noodles.

Ngunit, sinabi ni Abrenica na pinag-aaralan pa nila kung makatuwiran na pagbigyan ang gusto ng mga manufacturers.

Sabi pa ng opisyal, ikinatuwiran sa hirit ang pagtaas ng production costs bunga nang pagtaas ng halaga ng mga produktong petrolyo.

Araw ng Martes, Abril 26, naulit ang ‘price hike’ sa petroleum products.