Davao Occidental, niyanig ng magnitude 4.4 na lindol

Tumama ang magnitude 4.4 na lindol sa Davao Occidental, Miyerkules ng umaga.

Ayon sa Phivolcs, namataan ang episentro ng lindol sa layong 114 kilometers Southeast ng Sarangani Island.

Naramdaman ang nasabing lindol bandang 7:00 ng umaga.

May lalim ang pagyanig na 68 kilometers at tectonic ang origin.

Sa kabila nito, walang naitalang instrumental intensities sa mga karatig-bayan.

Wala ring napaulat na pinsala.

Sinabi pa ng Phivolcs na walang banta ng aftershocks matapos ang pagyanig.