Bilang ng mga nakatanggap ng libreng sakay sa MRT-3, umabot na sa higit 2.6-M

Sumampa na sa 2,666,033 ang kabuuang bilang ng mga nakatanggap ng libreng sakay sa Metro Rail Transit Line 3 (MRT-3).

Ayon sa pamunuan ng MRT-3, naitala ang nasabing bilang simula Abril 4 hanggang 12, 2022.

Sa ngayon, nasa ikatlong linggo na ang programang libreng sakay ng nasabing linya ng tren.

Tatagal ang libreng sakay sa MRT-3 hanggang Abril 30, 2022.

Noong Abril 8, naitala ang pinakamataas na bilang ng mga commuter, kung saan umabot sa kabuuang 335,993 pasahero ang naserbisyuhan ng MRT-3.