Ipagpapaliban ang Game 6 ng Philippine Basketball Association (PBA) 47th Season Governors Cup Finals sa pagitan ng Barangay Ginebra San Miguel at Meralco Bolts sa Miyerkules ng gabi, Abril 20.
Ayon sa PBA, bunsod ito ng sumiklab na sunog sa Araneta Coliseum sa Cubao, Quezon City.
Paliwanag nito, bahagi ito ng hakbang upang matiyak ang kaligtasan ng lahat.
Maari namang mag-refund ang mga ticket holder ng Game 6 sa ticketing office ng ‘Big Dome.’
Sa ngayon, patuloy pang iniimbestigahan kung ano ang pinagmulan ng sunog sa coliseum.
MOST READ
LATEST STORIES