DOH naglaan ng P6.1-M para sa gamot ng ‘Agaton victims’

Halos P1.6 milyon ang inilaan ng Department of Health (DOH) para ipambili ng mga gamot, health kits, personal protective equipment at iba pang COVID-19 essentials sa mga lugar na nasalanta ng bagyong ‘Agaton.’

Sinabi ni DOH spokesperson, USec. Ma. Rosario Vergeire, ang napaglaanan ng pondo ay ang Regions V, VI, VII at X.

Bukod pa dito, ayon pa rin kay Vergeire, may P55.7 milyon pang mga gamot at gamit sa kanilang mga bodega sa apat na nabanggit na rehiyon.

Higit 20 na ang kumpirmadong nasawi sa pananalasa ng bagyo sa Visayas at Mindanao.

Daan-daan libong indibiduwal naman ang labis na naapektuhan, marami din sa kanila ang lumikas sa evacuation centers.