Data Center ng Supreme Court, nasunog, paglalabas ng resulta ng bar exam tuloy pa rin ngayong araw

Tinupok ng apoy ang isang bahagi ng gusali sa Supreme Court sa Padre Faura sa Manila.

Ayon sa Bureau of Fire Protection, nagsimula ang sunog bandang 6:05 ng umaga at umabot lamang sa unang alarma ang sunog.

Nagsimula ang sunog sa Judiciary Data Center Room sa ground floor.

Ideneklarang fire out ang sunog bandang 7:55 ng umaga.

Iniimbestigahan na ng BFP ang sanhi ng sunog.

Samantala, sinabi naman ni SC spokesman Brian Keith Hosaka na tuloy ang paglalabas ng resulta ng bar exam ngayong umaga.

Ayon kay Hosaka, walang epekto sa paglalabas ng resulta ng bar exam ang naturang sunog.