NPA rebels binilinan ni Pangulong Duterte na magpabakuna kontra COVID 19

Hinikayat ni Pangulong Rodrigo Duterte ang mga miyembro ng New People’s Army (NPA) na magpabakuna na kontra COVID-19.

Kasunod ito ng pahayag ni presidential adviser for entrepreneurship Joey Concepcion na may 27 milyong bakuna na binili ng bansa ang malapit nang mag-expire.

Sa pagpababakuna ng mga rebelde, humingi lang ng isang pabor si Pangulong Duterte at ito ay huwag nang pakialamanan ang paghahatid ng mga bakuna sa mga liblib na lugar.

Giit ng Punong Ehekutibo na pinagsusumikapan na madalahan ng mga bakuna ang mga nasa malalayong lugar para sa pagpapabakuna ng mamamayan.

Apila pa nito sa NPA na huwag guluhin ng mga rebelde ang mga healthworkers na magtuturok ng COVID 19 vaccines sa mga malalayong lugar.