HIV testing sa mga detenido ng QC Jail, ikinasa

Nagpapatuloy ang pagsasagaw ang HIV testing sa mga detenido sa Quezon City Jail – Male Dormitory.

Sinabi ni Jail Warden Michelle Bonto noong nakaraang Lunes sinimulan ang testing at aniya tatagal ito hanggang sa Biyernes, Abril 9.

Aniya kada araw, 250 detenido ang sumasailalim sa HIV testing at lahat ng mga nasuri ay negatibo ang resulta.

Katuwang ng QC Jail sa programa ang Bernardo Social Hygiene Clinic.

Dagdag pa ni Bonto kapag may nag-positibo, tiyak naman na bibigyan ito ng karampatang atensyong-medikal.

Tiniyak pa ng opisyal na magiging regular na ang HIV testing sa hanay ng mga detenido.