Hinikayat ni Senator Sonny Angara ang mga kabataang Filipino na nahinto sa pag-aaral na samantalahin ang mga programa na magiging daan para sa katuparan ng kanilang pangarap.
Binanggit ni Angara ang Special Program for the Employment od Students (SPES) at JobStart program upang makapagtapos ng pag-aaral at maging produktibong mamamayan.
Si Angara ang pangunahing awtor ng RA 10917 o ang Expanded SPES Law at RA 10869 o ang JobStart Philippines Act.
Diin ng senador napakahalaga ng dalawang naturang batas lalo na ngayon maraming kabataang Filipino ang naapektuhan ng pandemya ang pag-aaral.
Aniya, libo-libo ng out of school youths, maging ang mga walang trabahong kabataan ang nakinabang sa dalawang batas.
“Every year, thousands of deserving Filipino youth benefit from the SPES and JobStart programs that we introduced as tools to assist them in getting their education back on track and for them to gain the experience and skills they need to become employed,” sabi pa nito.