Bulkang Taal, inilagay sa Alert Level 3

Muling nag-aalburuto ang Bulkang Taal.

 

Ayon sa Philippine Institute of Volcanology and Seismology, mula sa Alert Level 2 na increasing unrest, itinaas ito sa Alert Level 3 o magmatic unrest.

 

Base sa 8:00 am bulletin, sinabi ng Phivolcs na ang main crater o bunganga ng bulkan ay nagkaroon ng short-lived phretomagmatic burst.

 

Nagbuga din ang bulkan ng plumes na 1500m na may kasamang volcanic earthquake at infrasound signals.

 

Pinapayuhan ng Phivolcs ang mga residente sa Taal Volcano Island at sa Barangay Bilibinwang at Banyaga sa Agoncillo at Boso-bobo, Gulod at eastern Bugaan East sa Laurel na lumikas na sa posibilidada na magkaroon ng pyroclastic density currents at volcanic tsunami.