Tatlong pulis, gumaling sa COVID-19; Aktibong kaso, nasa lima na lang

Bumaba na sa lima ang bilang ng mga aktibong kaso ng COVID-19 sa hanay ng pulisya, ayon sa Philippine National Police (PNP).

Base sa tala ng PNP Health Service hanggang sa araw ng Huwebes (March 17), walang pulis na bagong tinamaan ng nakahahawang sakit.

Tatlong pulis naman ang gumaling sa COVID-19.

Dahil dito, nasa 48,836 na ang confirmed COVID-19 cases sa hanay ng pambansang pulisya, habang 48,703 naman ang total recoveries.

Samantala walang bagong napaulat na nasawi sa PNP dahil sa COVID-19.

Bunsod nito, 128 pa rin ang COVID-19 related deaths sa pambansang pulisya.