Taxi nagliyab sa Mindanao Ave., Quezon City

 

Natupok ng apoy ang isang taxi sa may kahabaan ng Mindanao Ave. sa Brgy. Bahay Toro, Quezon City.

Naganap ang insidente dakong alas-7:00 ng gabi, Martes, pero agad naman itong narespondehan at hindi rin naman gaanong nagtagal ang pag-apula dito.

Ayon sa driver ng taxi, bigla na lamang nagliyab ang harapan ng sasakyan habang siya ay may pasahero.

Wala namang nai-ulat na nasaktan sa pangyayari pero nagdulot ito ng pagsikip ng daloy ng trapiko sa lugar.

Iniimbestigahan na rin ng mga otoridad ang naging sanhi ng biglang pagliyab ng sasakyan.