Higit P13 dagdag sa presyo ng diesel, ipatutupad na bukas

Abiso sa mga motorista.

Panibagong bigtime price increase na naman ang ipatutupad sa mga produktong petrolyo.

Batay sa anunsiyo ng Caltex, Cleanfuel, Flying V, Petron, PTT Philippines, Seaoil, Shell, at Unioil, may dagdag na P13.15 sa kada litro ng diesel habang P7.10 naman ang patong sa kada litro ng gasolina.

Magkakaroon din ng taas-presyo na P10.50 sa bawat litro ng kerosene ng Caltex, Petron, Seaoil, at Shell.

Mauunang ipatupad ang oil price increase sa Caltex at Cleaunfuel bandang 12:01, Martes ng madaling-araw (March 15).

Magiging epektibo naman ang oil price adjustment ng iba pang oil companies bandang 6:00, Martes ng umaga.

Asahang mag-aanunsiyo rin ng oil price adjustment ang iba pang oil company.