North Wing ng Batasan Complex, nagkasunog

Nagkaroon ng sunog sa loob na bahagi ng Batasan Complex, Lunes ng gabi ngunit hindi rin naman ito nagtagal.

Nagsimula ang sunog sakong alas-9 ng gabi, pero naideklara rin ang fire out pagdating ng 9:42 ng gabi.

Ayon sa inisyal na imbestigasyon ng Bureau of Fire Protection (BFP), nagsimula ang sunog sa tuktok ng ika-anim na palapag ng North wing building.

Isa sa mga tinitingnang dahilan ng sunog ay ang pag-palya ng linya ng kuryente sa gusali.

Patuloy pa rin ang isinasagawang imbestigasyon ang mga otoridad kaya hindi pa sila makapagbigay ng mga karagdagang detalye ukol sa insidente.