Pinuri ni Partido Reporma presidential aspirant Panfilo Lacson ang pagtawag ni Pangulong Rodrigo Duterte ng ‘special meeting’ para matalakay nang husto ang sitwasyon sa Ukraine.
Tamang hakbang, ayon kay Lacson, ang ginawang pagpapatawag ni Pangulong Duterte ng pulong kasama ang mga opisyal ng Armed Forces of the Philippines (AFP) at grupo ng mga negosyante.
Sabi pa nito na maling isipin na malayo sa Pilipinas ang giyera ng Ukraine at Russia dahil mararamdaman ang epekto nito ng bansa.
Partikular niyang binanggit ang pagtaas pa ng presyo ng langis, gayundin ng arina na ginagamit naman sa paggawa ng mga tinapay.
Maari din aniyang makaapekto ang sigalot ng dalawang bansa sa foreign debt ng Pilipinas dahil maaring tumaas din ang interes ng utang panglabas ng bansa.