Suportado ng Philippine Coast Guard (PCG) ang Commission on Elections (Comelec) para sa ligtas at payapang 2022 National and Local Elections.
Ipinag-utos ni PCG Officer-in-Charge, Vice Admiral Eduardo Fabricante sa lahat ng PCG District, Station, at Sub-Station Commanders na tulungan ang Comelec sa lahat ng election-related activities sa bansa.
Magpapakalat ang ahensya ng mga tauhan at K9 teams para sa security augmentation.
Maliban dito, awtorisado rin ang PCG na gamitin ang land vehicles at floating assets, kabilang ang rubber boats, aluminum boats, at small watercraft, sakaling hilingin ng Comelec o local government units (LGUs) para sa logistical purposes.
“As per the directive of Department of Transportation (DOTr) Secretary Arthur P. Tugade, we are ready to provide available floating assets, even Coast Guard vessels, to transport COMELEC personnel, paraphernalia, and equipment to far-flung areas and coastal communities. Rest assured that the PCG will fully support the COMELEC in realizing a 2022 National Elections that is safe, accurate, free, and fair,” saad ni Fabricante.
Nagbaba ng direktiba sa PCG units sa bansa na asistihan ang Comelec sa pagpapatupad ng election laws, rules, and regulations, lalo na sa maritime jurisdiction sa bansa kabilang ang mga pantalan, magtalaga ng grupo para sa election duty, bantayan ang posibleng pag-organisa ng mga armadong grupo ng anumang uri ng terorismo, magsagawa ng periodic assessment ng peace and order conditions, mag-inspeksyon at magsagawa ng emergency readiness evaluation sa mga barko na magdadala ng mga tauhan, election paraphernalia, equipment, forms at supplies, magsagawa ng rescue operations sa mga indibiduwal na may election-related duties, sakaling magkaaberya sa dagat, magrekomenda ng mga hakbang na maaring ipatupad ng Comelec para sa ligtas na halalan.
Paalala ng PCG OIC sa lahat ng PCG personnel na huwag makisali sa anumang partisan political activities sa bansa.
Ani Fabricante, “PCG personnel, facilities, vehicles, and equipment must not be utilized by any local or national candidates for their campaigning, except to provide security augmentation, together with the Armed Forces of the Philippines (AFP) and the Philippine National Police (PNP), which is performed under the supervision of the COMELEC.”
Babala nito, “Those who will be found guilty of the said violation may face suspension, degradation, or dismissal from the service, depending on the gravity of their actuations.”