2 kaso ng yumaong si dating Chief Justice Corona, ibinasura na ng CTA

Tuluyan nang ibinasura ng Court of Tax Appels (CTA) ang dalawa sa mga kaso ni dating Supreme Court (SC) Chief Justice Renato Corona.

Ito ay aksunod ng pagpanaw ng dating punong mahistrado noong Abril 29 dahil sa cardiac arrest.

Ayon sa korte, hindi na maaaring idiin sa kaso ang isang akusado kung ito ay pumanaw na dahil hindi na nito maipagtatanggol ang sarili.

Nag-ugat ang mga kaso ni Corona sa umano’y mga hindi nito nabayarang buwis habang siya ay nakaupo pa sa pwesto sa pamahalaan.