Kahit ilang buwan na lamang ang nalalabi sa termino ni Pangulong Duterte, nananatili at hindi nagbabago ang kagustuhan nitong makabangon ang bansa sa epekto ng pandemya.
Ito ang pagtitiyak ni Sen. Christopher Go at aniya nakatutok ang Punong Ehekutibo sa mga ginagawang pagtugon ng mga kinauukulang ahensiya ng gobyerno sa pandemya.
Gayundin aniya sinusubaybayan nito ang paglalatag ng mga programa para mapasigla muli ng husto ang ekonomiya ng bansa.
Kayat panawagan niya sa sambayanan, piliit sa araw ng eleksyon ang mga kandidato na sa kanilan palagay ang lubos na makakapagpatuloy sa mga nasimulang programa ng administrasyong-Duterte.
“It is up to the Filipino people to decide who among them can actually carry on the positive initiatives started by the current administration in order to provide a comfortable life for all,” ayon pa kay Go.
Dagdag pa niya kapuri-puri ang mga ginagawang pagtugon ng gobyerno sa pandemya, partikular na ang pagkas ang national vaccination program kayat mabilis na bumubuti ang mga datos kaugnay sa COVID 19 cases.